Contignü prinzipal
Pröm bilanz provisore
Tla relaziun finala dl 1988 à Steger fat do i pröms trëi agn n pröm bilanz provisore. La istituziun ê aladô de Steger „gnüda tuta sö positivamënter y ê te vigni caje n arichimënt por la Provinzia“. Mo n valgönes manćianzes messâl assolutamënter ćiamò gnì superè. Le vare devers dl defensur popolar ne po nia gnì odü dales istituziuns sciöche n afrunt y ester plülere de dann co n bëgn por le zitadin. Implü ti destürbel le comportamënt che le personal dla Provinzia à datrai. Al scrî porchël: „É l’impiegat a desposiziun dl zitadin o le contrar? Tres indô vëgnel portè dant plüres che impiegać é groi y se comporta mal ti confrunć di zitadins. I direturs d’ofize mëss impedì chësc.“ Indô contestëia Steger la lege sön la defenüda zivica nia plü atuala. Dantadöt l’art. 2 (dërt de intervenziun passif) y l’art. 3 (manira de prozedimënt burocratica) dess gnì mudà le plü debota che ara va. Tröc arata le defensur popolar inće tl terz ann da canche al é gnü metü sö sciöche avocat debann y le chir porvia de litighes te chestiuns privates. An ô respostes por litighes en cunt de chestiuns de termi, de prescriziuns, de afić, de ghiravanzes y d’ater deplü. Chilò menâ Steger i zitadins ti ofizi competënć.
Steger é por smendrì le numer dles leges provinziales, porvia che dantadöt i tröc emendamënć complichëia la suravijiun y la comprenjiun. Implü dess i tesć ester plü scëmpli y plü unitars. Sciöche ejëmpl negatif por chësc dàl tres indô dant la urbanistica y le frabiché.
La creaziun dla defenüda zivica ê inće na domanda indireta dla contlujiun dl Paket o plü avisa dles competënzes desvalies che ti gnô surandades dal Stat y dala Regiun ala Provinzia. Steger confrontâ porchël ion l’aministraziun provinziala cun n’aziënda artejanala, deventada te püć agn n’aziënda industriala da n gröm de personal. Inlaôta êl 6.500 porsones che laurâ tl’aministraziun provinziala. Na te’ „chersciüda“ ne sozed sambëgn nia dagnora zënza problems. An röia por forza te dificoltês y confujiun canche an partësc fora les competënzes. Steger odô porchël de bun edl la reforma dl’aministraziun provinziala, che à metü man de gnì aplicada dl 1989.
| Titul | Download | |
|---|---|---|
|
L ie de bujën avëi nstalà l PDF Reader, acioche n posse giaurì y udëi i documënc tl format PDF che ie sun chësta plata. |
||
[Publicazions]
|
||
