Contignü prinzipal
Porsona de referimënt
La defensuria popolara dla provinzia vëgn litada dal Consëi provinzial cun lîta socrëta danter i candidać/les candidates che à tut pert a na aldiziun. Pro la lîta mëssel gnì arjunt la maioranza de dui terzi dles usc di aconsiadus provinziai y insciö vara debojëgn de na ampla azetanza sura i confins di partis fora.
La defensuria popolara ne fej nia pert dla aministraziun provinziala, süa independënza da dötes les istituziuns politiches, vëgn renforzada dal insediamënt dla defenüda zivica pro le Consëi provinzial.
Cun la creaziun dl'istituziun dla defenöra zivica ti é Südtirol jü do a na tendënza a livel mondial y che é piada ia tla Scandinavia ("Ombudsmann"): al ti vëgn dè al zitadin n sostëgn tl raport cun l'aministraziun publica, che vëgn tres plü complicada y intravaida.
Tl 1985 él gnü lité Dr. Heinold Steger sciöche pröm defensur popolar te Südtirol. Do da d'ël él gnü lité Dr. Werner Palla tl 1992.
Dai 5 d'aurì dl 2004 incà é Dr.a Burgi Volgger la defensuria popolara de Südtirol. Ara è gnüda litada dal Consëi provinzial cun na maioranza de dui terzi tla pröma votaziun por na dorada d'inćiaria de cin agn.